ANG DAHILAN

Because He Is Risen by Gerald Kelly

Isinalin  sa Filipino ni Rev. Arnel R. Vasquez

Dahil Siya ay buhay

Ang tagsibol ay darating

Sa lahat ng dako na sinakmal ng taglamig

At ang kalayaan ay lulundag sa ating harapan

Upang  ating mapagmasdan

At ang takot ay matakpan

Dahil Siya ay buhay

Dahil Siya ay buhay

Ang aking kinabukasan ay isang epikong nobela

Na dati ay isa lamang maikling istorya

Ang hangganan ng aking buhay ay nanauli

Sa pangwalang hanggan

Ang aking pagpipilian ay walang katapusan

Sa dako ng mga planeta ang hangganan

Ng maaari kong puntahan

Dahil Siya ay Buhay

Dahil Siya ay Buhay

Ang kagalingan ay natitiyak at nauutusan

At ang lahat ng karamdaman ay magpapasakop

Sa harap ng walang hanggang pagdiriwang
Ng Kanyang kapangyarihan

Maging ang aking libingan ay mabubuksan 

Kapag napanumbalik na ang aking buhay

Sapagkat ang  mahina at marupok kong katawan

Ay hindi magiging batayan

Sa tunay kong kalagayan

Dahil Siya ay buhay

Dahil Siya ay buhay

Ang gutom ay magpapalaboy-laboy sa lansangan

Sa paghahanap ng masisilungan

Ang pagkagahaman ay mananatili sa kublihan

Sa pagyao ng taggutom tayong lahat ay makikipaglamay

At magsasayaw sa harap ng malamig

Na libingan ng  digmaan

At ang kahirapan ay lilipas

Sa ating buong kasaysayan

Dahil Siya ay buhay

At dahil Siya ay buhay

Sisigla ang mga buto ko sa katawan

Ang mga mata ko’y makakakita ng mga posibilidad

Ang aking puso ay makaririnig ng pag-asa

Katulad ng pagbulong sa hangin

At ng awit na bumabalong sa aking damdamin

Na hindi mapipipilan

Habang binibigo ng buhay

Ang madilim na dako ng kamatayan

Katulad ng pangingilabot ng balat

Mismong kamatayan

Ay takot na hahangos sa kublihan

Dahil Siya ay buhay